Geguritan

Ingsun Punika Nara

(Khaolil Mudlaafar)

Geguritan - Kholil Media

Menawi sira sami nyuwun pirsa

Nyuwun Pirsa sinten satuhune kawula

Bakal dakjawab "ingsun punika nara"

Ingsun datan bisa mabur lir dara

Ingsun datan urip mrambat lir kara

Ananging ingsun punika nara, kang ugi lair saka nara

       Aywa kokpadhakake ingsun karo siti, kang bisa kokpidakki

       Aywa kokpadhakake ingsun karo agni, kang padha kokwedeni

       Aywa kokpadhakake ingsun karo ri, kang bisa nyilakani

       Ananging ugi aywa kokpadhakake ingsun karo asthi

       Asthi kang gedhene wus akeh sing ngerti

Punapa ingkang damel sira sengit?

Sengit sengit dadi sangit

Ingsun datan manggen ing dhuwur lir langit

Punapa ingkang damel sira gela?

Ingsun datan agung lir ancala

       Ingsun saged guyu, punika sasmitaning ingsun boten watu

       Raga ingsun saged roga, punika sasmitaning ingsun boten mega

       Ingsun dudu raja kaya, amarga ingsun isih duwe driya

       Ingsun dudu Bathara, ingsun punika nara

       Mula yen ana salah, ingsun nyuwun pangapura

       Mugi anggen ingsun nyuwun pangapura boten dados muspra